1383 April 24

Wissen zullen alle, die dise schrift lesen ader horen, daz der hochgeborne furste vnd herre, herczoge ludwig, vnser gnediger herre mit rote vnd hulfe Hanko Grunymbergis, Burgermeisters czu der czeit, vnd syner kumpan vnd der eldesten, dy do by waren, mit meister Heynrich Pfefferfleisch vnd Peter Rudel, sym gesellen, muren, alsolch gedinge, den kor zu mawrn, hot gemachet Alsust daz sy zullen mawrn den grunt des kors vm vnd vmb virdehalber ellen dicke vnd achte ellen hoch, xv. lang, daz geschrecke (?) czu legen vnd czubegatten vm vnd vmb den kor nach syme rechte vmb funfte halbe mark pfenning vnd den grunt der mittel pfyler durch vnd durch czulegen in sulchermase glych dem estrich, in demselben dinge wes sy des czu kurcz mawren, wen man mit en rechent, das sal man en abeslan nach mark czal. dorczu zal man en antwvrten czigel, kalk vnd sant, rvsteholczer, strenge vnd radebarn. Actum et datum Anno .Ixxxiij°. feria sexta post festum sti Georrij martiris (April 24.).

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.